तेलंगणात निलंबित अभियंत्याकडे 6.5 एकर जमीन, 6 फ्लॅट... 17 कोटींची मालमत्ता सापडली
तेलंगणामध्ये एका अभियंत्याला एक लाख रुपयांची लाच घेताना पकडण्यात आले आणि त्यानंतर त्याच्याविरुद्ध बेहिशेबी मालमत्तेचा गुन्हा दाखल करण्यात आला. एसीबीने या प्रकरणाचा तपास केला असता अभियंत्याकडे 17 कोटी रुपयांपेक्षा जास्त मालमत्ता आढळून आली.
तेलंगणातील लाचलुचपत प्रतिबंधक विभागाने (ACB) पाटबंधारे विभागाच्या निलंबित अभियंत्याच्या घराची झडती घेत 17 कोटी रुपयांहून अधिक किमतीची मालमत्ता उघडकीस आणली आहे. बेहिशेबी मालमत्तेचा गुन्हा दाखल झाल्यानंतर अभियंत्याला निलंबित करण्यात आले.
एसीबीने शनिवारी सांगितले की, या मालमत्तेचे बाजारमूल्य अधिकृत मूल्यापेक्षा कितीतरी जास्त असणे अपेक्षित आहे. एजन्सीच्या झडतीमध्ये पाच भूखंड, साडेसहा एकर शेतजमीन, सहा सदनिका आणि अन्य संबंधित मालमत्तांची कागदपत्रे सापडली आहेत.
अभियंत्याकडे १७ कोटींची मालमत्ता आहे
एसीबीने आपल्या प्रसिद्धीपत्रकात म्हटले आहे की ज्या मालमत्तेची कागदपत्रे जप्त करण्यात आली आहेत त्यांचे बाजार मूल्य 17 कोटी रुपयांपेक्षा जास्त आहे. त्यांची सरकारी किंमत 17 कोटी 73 लाख एवढी आहे.
काय आहे संपूर्ण प्रकरण?
तेलंगणात या वर्षी मे महिन्यात एसीबीने पाटबंधारे विभागाच्या सहाय्यक कार्यकारी अभियंत्याला एक लाख रुपयांची लाच घेताना रंगेहात पकडले होते, त्यानंतर त्यांना निलंबित करण्यात आले होते. या अभियंत्यावर बेहिशोबी मालमत्तेचा गुन्हा दाखल करण्यात आला होता आणि त्यानंतर एसीबीने त्याच्या घराची झडती घेतली असता 17 कोटींहून अधिक मालमत्तेची माहिती समोर आली. सध्या अभियंता निलंबित आहे.