'पोलिस प्रकरण दडपत आहेत, लाच देण्याचाही प्रयत्न झाला...', असा आरोप कोलकाता घटनेत जीव गमावलेल्या महिला डॉक्टरच्या वडिलांनी केला आहे.
कोलकात्याच्या आरजी कार हॉस्पिटलच्या डॉक्टरच्या वडिलांचे म्हणणे आहे की, पोलिस सुरुवातीपासून हे प्रकरण दडपण्याचा प्रयत्न करत होते. आम्हाला आमच्या मुलीचा मृतदेह पाहण्याची परवानगीही देण्यात आली नाही आणि तासनतास पोलीस ठाण्यात थांबण्यात आले. नंतर शवविच्छेदन करून मृतदेह आमच्या ताब्यात देण्यात आला.
कोलकात्याच्या आरजी कार मेडिकल हॉस्पिटलमध्ये प्रशिक्षणार्थी डॉक्टरवर बलात्कार आणि हत्या प्रकरण अजूनही चर्चेत आहे. पीडितेला न्याय मिळावा या मागणीसाठी सातत्याने निदर्शने सुरू आहेत. दरम्यान, पीडितेच्या वडिलांनी कोलकाता पोलिसांबाबत मोठे वक्तव्य केले आहे.
कोलकाता पोलिसांनी मृतदेहावर घाईघाईने अंत्यसंस्कार करून प्रकरण दडपण्याचा प्रयत्न केल्याचे पीडितेच्या वडिलांचे म्हणणे आहे. ही बाब समोर आल्यानंतर कोलकाता पोलिसांच्या एका वरिष्ठ पोलिस अधिकाऱ्याने आपल्याला लाच देण्याचा प्रयत्न केल्याचा आरोप त्यांनी केला.
ते म्हणाले की, कोलकाता पोलिस सुरुवातीपासून हे प्रकरण दडपण्याचा प्रयत्न करत होते. आम्हाला आमच्या मुलीचा मृतदेह पाहण्याची परवानगीही देण्यात आली नाही आणि तासनतास पोलीस ठाण्यात थांबण्यात आले. शवविच्छेदनानंतर मृतदेह आमच्या ताब्यात देण्यात आला. दरम्यान, एका वरिष्ठ पोलीस अधिकाऱ्याने आम्हाला लाच देण्याचा प्रयत्न केला मात्र आम्ही नकार दिला.
आपल्या मुलीला न्याय मिळवून देण्यासाठी ज्युनियर डॉक्टरांच्या निदर्शनात सहभागी झाल्याचं पीडितेच्या कुटुंबीयांचे म्हणणे आहे. 10 ऑगस्टपासून बंगालमध्ये निदर्शने सुरू आहेत. पीडितेला न्याय मिळावा, अशी मागणी विविध क्षेत्रातील लोक करत आहेत. या प्रकरणाला गती मिळाल्यानंतर कोलकाता उच्च न्यायालयाने या प्रकरणाचा तपास सीबीआयकडे सोपवला होता.
काय आहे आरजी कार मेडिकल कॉलेजचे प्रकरण?
९ ऑगस्टच्या पहाटे कोलकाता येथील आरजी कार मेडिकल कॉलेजमध्ये एका महिला निवासी डॉक्टरवर बलात्कार करून तिची हत्या करण्यात आली. ही घटना घडल्यानंतर मद्यधुंद आरोपी संजय रॉय याच इमारतीत झोपला होता, त्याला पोलिसांनी नंतर अटक केली. सीबीआय सध्या या प्रकरणाचा तपास करत आहे.
या घटनेनंतर संजय रॉयची अटक आणि चौकशीत अनेक महत्त्वाचे खुलासे झाले आहेत. या घटनेनंतर संजय रॉयने काय केले याने पोलिसांना अनेक प्रश्नांच्या भोवऱ्यात अडकवले आहे, चौकशीनंतर समोर आलेल्या माहितीनुसार, संजय रॉय थेट चौथ्या बटालियनमध्ये जाऊन झोपला. 10 ऑगस्टला सकाळी उठल्यावर त्याने पुन्हा दारू प्यायली आणि पुन्हा झोपी गेला. पोलिसांना संशय आल्याने त्यांनी रुग्णालयाच्या सेमिनार हॉलच्या आजूबाजूचे सर्व सीसीटीव्ही फुटेज तपासले. या फुटेजमध्ये संजय रॉयच्या कारवायांसह इतर लोकांचीही ओळख पटली.