Video: स्कूटरवर फटाके वाहून नेत असताना मोठा स्फोट, एका तरुणाचा मृत्यू, 6 जण जखमी

आंध्र प्रदेशातून दिवाळीच्या दिवशी एका भीषण अपघाताची बातमी समोर आली आहे. एलुरु शहरात स्कूटरवरून जाणाऱ्या फटाक्यांच्या पिशवीचा अचानक स्फोट झाला, ज्यात चालकाचा मृत्यू झाला. या अपघातात अन्य सहा जण गंभीर जखमी झाले आहेत. एलुरु शहरातील एका निवासी भागात हा अपघात झाला. ही संपूर्ण घटना सीसीटीव्हीमध्येही कैद झाली असून, अपघाताची तीव्रता पाहून तुम्हालाही हसू येईल.

मिळालेल्या माहितीनुसार, ही घटना घडली तेव्हा एक तरुण स्कूटरवर फटाक्यांची पिशवी घेऊन रस्त्यावर उभ्या असलेल्या लोकांजवळून जात होता. दरम्यान स्कूटीचा टायर खड्ड्यात पडल्याने चालकाचा तोल गेला आणि फटाक्यांची पिशवी खाली पडली. फटाक्यांची पिशवी पडताच मोठा स्फोट झाला.

स्कूटर चालवणाऱ्या तरुणासोबतच शेजारी उभ्या असलेल्या लोकांनाही स्फोटाचा फटका बसला. या भीषण अपघातात स्कूटरवर चालणाऱ्या तरुणाचा जागीच मृत्यू झाला, तर सहा जण जखमी झाले.

अपघातानंतर घटनास्थळी राडा झाला. यावेळी उपस्थित स्थानिक नागरिक जखमींच्या मदतीसाठी धावले. माहिती मिळताच पोलिसांनी घटनास्थळ गाठून मृतदेह ताब्यात घेऊन शवविच्छेदनासाठी पाठवला. यासोबतच जखमींना तातडीने रुग्णालयात दाखल करण्यात आले. अपघातानंतर परिसरात शोककळा पसरली आहे. या अपघाताने अनेक कुटुंबांच्या दिवाळी आनंदाला ग्रहण लागले आहे.