बेंगळुरूमधील एका कॅफेमध्ये गूढ स्फोट झाला आहे. येथे बॅगेत ठेवलेल्या सामानाचा स्फोट होऊन पाच जण गंभीर जखमी झाले आहेत. रामेश्वरम कॅफेमध्ये हा स्फोट झाला. स्फोटाची बातमी लोकांपर्यंत पोहोचताच गोंधळ उडाला आणि अनेक लोक कॅफेच्या बाहेर व्हिडिओ बनवताना दिसले.
स्फोटाची माहिती एचएएल पोलीस ठाण्याला तात्काळ देण्यात आली, त्यानंतर पोलीस पथक घटनास्थळी पोहोचले आणि डीसीपी स्वत: घटनास्थळी पाहणीसाठी जात आहेत. घटनास्थळी स्थानिक पोलीस आणि अग्निशमन दलाचे जवान उपस्थित आहेत. स्फोटाचे कारण अद्याप समोर आलेले नाही. घटनास्थळी फॉरेन्सिक तज्ज्ञांची टीम हजर असून त्यांच्या तपासणीनंतरच स्फोटाचे खरे कारण समोर येईल.
बेंगळुरू सेंट्रलचे भाजप खासदार पीसी मोहन यांनी इंस्टाग्रामवर पोस्ट केले की, 'बंगळुरू सेंट्रल लोकसभा मतदारसंघातील रामेश्वरम कॅफेमध्ये झालेल्या रहस्यमय स्फोटाबद्दल ऐकून मी काळजीत आहे. पीडित लोक आणि त्यांच्या कुटुंबियांसोबत माझ्या संवेदना आहेत. अधिका-यांनी चौकशी करून सर्व नागरिकांच्या सुरक्षिततेची खात्री करावी असे आवाहन करण्यात आले आहे.