मुंबईतील मालाडमध्ये भीषण अपघात, बांधकामाधीन इमारतीचा स्लॅब कोसळून 3 जणांचा मृत्यू

महाराष्ट्रातील मालाडमध्ये गुरुवारी एक मोठी दुर्घटना घडली. बांधकाम सुरू असलेल्या इमारतीच्या स्लॅबचा काही भाग कोसळल्याने तीन मजुरांचा मृत्यू झाला तर तीन जण जखमी झाल्याचे महापालिकेच्या अधिकाऱ्यांनी सांगितले. मालाड (पूर्व) येथील गोविंद नगर परिसरात दुपारी 12.10 च्या सुमारास ही घटना घडली.

एका अधिकाऱ्याने पीटीआयला सांगितले की, 23 मजली इमारतीच्या 20व्या मजल्यावरील स्लॅबचा काही भाग कोसळला. माहिती मिळताच पोलीस प्रशासनातील लोकांनी घटनास्थळ गाठून अग्निशमन दलाला पाचारण करून बचावकार्य हाती घेतले. ढिगाऱ्याखाली दबलेल्या कामगारांना बाहेर काढून एमडब्ल्यू देसाई रुग्णालयात नेण्यात आले. यातील दोघे अतिदक्षता विभागात तर दुसऱ्याला ऑर्थोपेडिक वॉर्डात दाखल करण्यात आले आहे. तिघांचा तेथे मृत्यू झाला.

अपघातानंतर रुग्णालयात दाखल झालेल्या लोकांची नावे-

1. गोपाल बनिका मोदी, वय 32 वर्ष, मृत आणण्यात आले.
2. सोहन जाचिल रोथा, वय 26, मृत आणले
3. विनोद केशव सदर, वय 26, मृत आणण्यात आले.
4. जलील रहीम शेख, वय 45, ऑर्थो वॉर्डमध्ये दाखल.
5. रूपसन भद्रा मामीन, वय 30, ICU मध्ये दाखल, स्थिर.
6. मोहम्मद सलामुद्दीन शेख, वय 30, पुढील उपचारासाठी कूपर रुग्णालयात हलवले