छत्तीसगडच्या रायपूरमध्ये भीषण अपघात, बांधकामाधीन इमारतीचा भाग कोसळल्याने २ ठार, अनेक मजूर जखमी.

शनिवारी, छत्तीसगडची राजधानी रायपूरमध्ये एका बांधकामाधीन इमारतीत स्लॅब टाकताना सेटिंग फ्रेम कोसळल्याने दोन मजुरांचा मृत्यू झाला आणि सहा जण जखमी झाले. रायपूरचे अतिरिक्त पोलीस अधीक्षक लखन पटले यांनी पीटीआयला सांगितले की, हा अपघात व्हीआयपी रोडवरील विशाल नगर भागात झाला, जिथे एक बहुमजली इमारत बांधली जात आहे.

प्राथमिक माहितीनुसार, दुपारी 3.30 च्या सुमारास इमारतीच्या सातव्या आणि दहाव्या मजल्यावर स्लॅब टाकला जात असताना सेंट्रिंग फ्रेम तुटून जमिनीवर पडली. लोखंडी रॉड आणि बांधकाम साहित्याच्या ढिगाऱ्याखाली अडकलेल्या आठ मजुरांची सुटका करून त्यांना विविध रुग्णालयात दाखल करण्यात आले.

यातील दोघांचा रुग्णालयात मृत्यू झाल्याचे अधिकाऱ्याने सांगितले. या घटनेत 10 मजूर जखमी झाल्याचे पोलिसांनी आधी सांगितले होते. अजून कामगार अडकले आहेत का, याचा शोध घेण्यासाठी बांधकाम साहित्य जागेवरून हटवण्यात येत असल्याचे पटले यांनी सांगितले.

पोलिसांनी दिलेल्या माहितीनुसार, जखमींना उपचारासाठी दाखल करण्यात आले आहे. मृतांची माहिती घेतल्यानंतर त्यांच्या कुटुंबीयांना माहिती देण्यात येत आहे. पंचनामा केल्यानंतर मृतदेह शवविच्छेदनासाठी पाठवण्यात येणार आहेत. याप्रकरणी नियमानुसार पुढील कार्यवाही केली जाईल.