दिल्ली सरकारने 13 वर्षांनंतर प्रदूषण तपासणी दरात सुधारणा केली आहे. वाहनांसाठी निश्चित करण्यात आलेल्या नवीन प्रदूषण तपासणी दरांमध्ये पेट्रोल, सीएनजी किंवा एलपीजी (जैव-इंधनासह) दुचाकी आणि तीनचाकी वाहनांसाठी 80 रुपये मोजावे लागणार आहेत.
तर पेट्रोल, सीएनजी किंवा एलपीजी (जैव इंधनासह) चारचाकी आणि त्यावरील श्रेणींसाठी 110 रुपये मोजावे लागतील. याशिवाय डिझेलवर चालणाऱ्या वाहनांसाठी १४० रुपये दर निश्चित करण्यात आला आहे.
2011 मध्ये हे दर अनुक्रमे 60 रुपये, 80 रुपये आणि 100 रुपये होते. यापूर्वी 2005 मध्ये हे दर अनुक्रमे 35 रुपये, 45 रुपये आणि 60 रुपये करण्यात आले होते.
प्रदूषण करणाऱ्या वाहनांवर नियंत्रण ठेवण्यासाठी दिल्लीचा परिवहन विभाग वेळोवेळी प्रदूषण नियंत्रण (PUC) प्रमाणपत्रे तपासतो. दिल्लीमध्ये वैध PUC प्रमाणपत्र नसल्याबद्दल 10,000 रुपये दंड आकारला जाऊ शकतो.