मणिपूरच्या बिष्णुपूर जिल्ह्यात संशयित दहशतवाद्यांचा बॉम्ब हल्ला, 2 इमारतींचे नुकसान

मणिपूरमध्ये बॉम्बस्फोटाचे ताजे प्रकरण समोर आले आहे. पोलिसांनी सांगितले की, शुक्रवारी सकाळी संशयित अतिरेक्यांनी राज्यातील बिष्णुपूर जिल्ह्यात बॉम्ब हल्ला केला. या घटनेत सुमारे दोन इमारतींचे नुकसान झाले आहे. मणिपूरची राजधानी इंफाळपासून सुमारे 45 किमी अंतरावर असलेल्या ट्रोंगलाओबीच्या सखल भागात असलेल्या चुराचंदपूर जिल्ह्यातील जवळच्या डोंगराळ भागात उंच ठिकाणांवरून रॉकेट डागण्यात आले.

पोलिसांनी सांगितले की, फायर केलेल्या रॉकेटची रेंज 3 किलोमीटरपेक्षा जास्त असल्याचा अंदाज आहे. या हल्ल्यात कोणीही जखमी झाल्याचे वृत्त नाही. मात्र, बॉम्बस्फोटामुळे स्थानिक कम्युनिटी हॉल आणि एका रिकाम्या खोलीचे नुकसान झाल्याचे पोलिसांनी सांगितले.

'गोळीबारानंतर परिसरात तणाव वाढला...'

याशिवाय, संशयित आरोपींनी बिष्णुपूर जिल्ह्याच्या दिशेनेही अनेक राऊंड गोळीबार केला, त्यानंतर सुरक्षा दलांनी प्रत्युत्तर दिले. प्रत्यक्षदर्शींनी सांगितले की, गुरुवारी रात्री ट्रोंगलाओबीपासून काही किलोमीटर अंतरावर असलेल्या कुंबी गावात तणाव वाढला, जेव्हा अनेक ड्रोन जमिनीपासून 100 मीटरपेक्षा कमी उंचीवर घिरट्या घालताना दिसले.

हेही वाचा: मणिपूरमध्ये शस्त्रास्त्रांचा साठा जप्त, लष्कर आणि पोलिसांनी केली शोध मोहीम

आज सकाळी संशयित कुकी अतिरेक्यांनी बिष्णुपूर जिल्ह्यातील ट्रोंगलाओबी भागात बॉम्बस्फोट घडवून आणला. स्फोटामुळे मंडपाचा काही भाग आणि जवळच्या शौचालयाचे नुकसान झाले आहे, परंतु अद्याप कोणतीही जीवितहानी झाल्याचे वृत्त नाही. अधिकारी घटनास्थळी आहेत आणि तपास सुरू असताना अधिक माहितीची प्रतीक्षा करत आहेत.