तमिळनाडूच्या त्रिचीमधून एक धक्कादायक व्हिडिओ समोर आला आहे. व्हिडिओमध्ये, हाय टेंशन वायर्स असलेला एक टॉवर वेगाने वाहणाऱ्या नदीत बुडताना दिसत आहे. धक्कादायक बाब म्हणजे हा अपघात झाला तेव्हा दोन कामगार टॉवरच्या दुरुस्तीचे काम करत होते. मात्र, या अपघातात दोघांनाही इजा झाली नाही.
मिळालेल्या माहितीनुसार, तमिळनाडूच्या त्रिचीमध्ये मेत्तूर नावाचे धरण आहे. नुकतेच या धरणातून मोठ्या प्रमाणात पाणी सोडण्यात आले. पाणी सोडल्यानंतर कोल्लीडम नदीत मोठ्या प्रमाणात पाणी शिरले आहे. त्यामुळे हाय टेन्शन वायर असलेल्या टॉवरचा पाया खालच्या बाजूने कोसळून धोकादायक लटकला होता.
मोठा अपघात टळला
खबरदारीचा उपाय म्हणून कोल्लीडम पुलावरील वाहतूक अगोदरच बंद करण्यात आली होती, त्यामुळे मोठी दुर्घटना टळली होती. टॉवर झुकल्यानंतर वीज मंडळाच्या अधिकाऱ्यांनी टॉवर वाचवण्यासाठी दुरुस्तीचे काम सुरू केले. दुरुस्तीदरम्यान कंत्राटावर काम करणाऱ्या एका परप्रांतीय कामगाराला क्रेनच्या सहाय्याने टॉवरवर उचलण्यात आले.
दोरी मध्यभागी तुटली
दुसरा कर्मचारी दोरीच्या साहाय्याने टॉवरच्या दिशेने जात होता. कामगार पुढे जात असताना मध्येच दोरी तुटली. दोर तुटल्यानंतर कर्मचारी नदीच्या जोरदार प्रवाहात पडला आणि वाहू लागला. मात्र, नदीत पडल्यानंतर त्याने दोरीचे दुसरे टोक घट्ट पकडून ठेवल्याने जोरदार प्रवाहात तो वाहून जाण्यापासून बचावला. हा मजूर नदीत जीव मुठीत धरत असतानाच अग्निशमन दल आणि बचाव पथकाने दुसऱ्या दोरीच्या सहाय्याने घटनास्थळी पोहोचून मजुराला वाचवले.